Vier v’s: Verseker

Mense met 'n Missie

Vier v’s: Verseker

29th Aug 2020 Uncategorised 0

  • Ysbreker
  • Kry ’n blikkie ingelegte groente (iets wat jy weet mense nie graag sal eet nie) en ’n pak lekkers
  • Gee vir elkeen in die groep ’n hap van die blikkie groente met die belofte dat hulle daarna van die lekkers kan kry
    1. Nabetragting: Hoe is hierdie oefening dieselfde of verskillend as die Christelike hoop?

______________________________________________________________________________

  • Inleiding
  • Wat het vir jou uitgestaan in die laaste paar weke se Vier v’s reeks? Virus, Vrees, Verward, Verseker
  • Waarin lê jou sekerheid as Christen? Wat staan vir jou onbeweeglik vas en kan jy jou hoop daarin plaas?

______________________________________________________________________________

  • Teks
  • Lees gerus die hele Rom 8 deur – fokus op die verse 18-23, 26-27, 34-35, 38-39
  • V18 praat van lyding – hoe vereenselwig jy jouself daarmee? Is daar iets wat jy as lyding in jou lewe kan beskryf, wat jy veral vanuit jou Christenskap moet verduur?
  • V22-23 verwys na die skepping en ons wat sug in die pyne van verwagting – wat is die dinge wat jou laat sug?
  • Wat dink jy van die stelling wat in die preek gemaak is: “Christene is nie verbaas oor die stand van die wêreld en dat mense soos sondaars optree nie”?
  • V26-27 verduidelik hoe die Gees empatie met ons het en ons ervarings aan die Vader oordra – watter tipe dinge het jy al té moeilik gevind om oor te bid?
  • V39 verwys daarna dat daar niks is wat ons van God se liefde kan skei nie – hoe werk dit in op die praktiese uitleef van jou daaglikse lewe om hierdie sekerheid te hê?

______________________________________________________________________________

  • Toepassing
  • Watter een ding gaan jy in die komende week anders doen, wat sal getuig van die sekerheid wat jy as Christen het?

Leave a Reply

Your email address will not be published. Required fields are marked *